Айдалган же айдап, эгин же башка өсүмдүктөр эгилген жер. Жайлоонун көркү мал экен, Айдоонун көркү дан экен (Нуркамал). Айкөлдүн кара талаасы Карарган айдоо болуптур («Манас»).

Башка жакка жер оодарып, айдап жиберүү жазасы, сүргүн. Артымда солдат кужулдап, Айдоого кетип барамын (Токтогул).

айда I этишинин кыймыл атоочу. Эртең Суусамырга мал айдоом керек («Ала-Тоо»).

айда II этишинин кыймыл атоочу. Быйыл канча гектар кызылча айдоо керек? («Ала-Тоо»).